ناس كتير بتسال عن الجبسيوم بورد و انواعه و ايه هو اصلا
هنتكلم عنه واحده واحده كده و بالبلدي عشان نفهم
الخامه
عباره عن خليط من الجبس و المواد المصلبه و الفيبر و له وجهين من الكرتون الابيض او الاخضر المقاوم للرطوبه و الاحمر المقاوم للحراره و يثبت عن طريق استخدام قطاعات الصاج و المسامير الصلب و الفيشر
“سيبك من البوقين دول انا قولت اتفشخر بيهم عشان تعرفو ااني مهندس
الجبسيوم بورد بيتعمل بيه اشكال ديكور مودرن و كلاسيك بس مش هو ده وظيفته
انت لما بتشد وحدتك كلها جبسيوم بورد بتعمل فراغ و بين السقف الاصلي و السقف الساقط بيبقي في حدود ١٠ سم تستخدمه استخدامات كتير
١ تمشي كهرباء او سلوك في اي وقت حتي بعد التشطيب
٢ تركب سبوتات دفن و بيبقي شكلها شيك جدا و استخدامتها كتير يعني مثلا في غرغة النوم ممكن تشغل سبوت واحد مثلا للقرايه او لو انت بتتحرك و المدام نايمه او لو المدام صاحيه مع البيبي و انت عايز تنام بتشغل سبوت صغير و احد او اضاء غير مباشره
ام ساعة اللبس و الميك اب تقدر تشغل ٢٠ سبوت يخلي الاوضه ضهر
٣ تركب مصادر إضاءه غير مباشره و اظن شياكتها مش محتاجه كلام
٤ ساوند سيستم و سماعات
٥ تكييف غاطس كونسيلد زي بتاع الفنادق كده
٧ شفاط في سقف الحمام او ال مطبخ بدل ماتركبهم في الشباك ممكن تركب عدد من الشفاطات مش واحد بس
————————————————————
الجبسيوم بورد بيتثبت علي شاسيهات صاج و ممكن تتشكل علي اي شكل بتختاره او بتصممه
نصيحتي ليكوا ماتافوروش في الشغل و اهم حاجه انك تستفيد يا ستخداماته اللي فوق دي
————
و برضه بيتعمل علي الحوائط اشكال مكتبات و بيتثبت فيها الشاشه و يتحط ورا الشاشه كده حبة حجر او ورق حائط يا سيدي يا سيدي
—————————
اصبر هقوللك كمان شويه بيتحسب ازاي
————————
الواح الجبسوم بورد بتبقي مكبوسه في مصانع ف ان السقف يبقي معرج دي بتبقي مستحيله
في صنايعيه كتير بيشتغلوا في الجبسيوم بورد لو اضطربت تشتغل منك ليهم هقولك علي حبة حاجات كده تاخد بالك منها
١ الشرب
هو ان السقف يبقي مضبوط …يبقي موزوون زي الارضيات كده مش مايل دي اهم ميزه في الجبسيوم بورد لو قالك السقف الخرسانه اصلا مايل قوله يشدهولك فلات و يعدله
و تقدر تستلم ده بميزان ميه بيتباع عند اي موان ب ٥ جنيه و هو اكيد هيبقي معاه واحد
٢ الشاسيهات اللي جوه الجبس لازم ماتبعدش عن بعض اكتر من ٦٠ سم يبقي كل ٦٠ سم في الطول او العرض او الارتفاع فيهم صاج
٣ لازم تتاكد ان كل الفواصل اتلزق عليها شريط فايبر قبل المعجون عشان ماينملش بعد كده
٤ الحروف او السوك بيتحط فيها ميتال تيب شريط معدني و بيتحط عليه الجبس يسلمك السوك زي الموس موش الحلاقه مش الحلاويات
————————————————
طيب بيتقاس ازاي مش هكدب عليكو ليه اكتر من طريقة في مصر انا هقولكوا علي الاكثر انتشارآ و اللي انا شخصيآ بتعامل بيها مع الصنايعية و مع العملاء
هو المتر المسطح و الطولي
المتر المسطح يعني طول*عرض بس ده فى حالة الفلات سقف حته واحده من غير طالع و نازل و ديكور و كده يعني كانه زي المصيص
المتر طولي ده لو بيت نور او علبه او موجه او دائره اي شكل راسي مرايا نازله او غاطسه بيمشي عليها المتر و مابتتضربش في عرض هو طول بس عشان كده اسمها طولي
———————————
انواع الجبس
كناوف تركي شركه تركيه و مصنعها في السويس و حلو جدا
سعودي و اماراتي مستورد و هايل برده
مقاولين مصري ممتاز
صيني بلاش منه
————————
و الجبسيوم بورد برده بيستخدم لتجليد الحوائ بدل المحاره كده بس مكلف شويه و بزرده
بيتعمل قواطيع فواصل بين الغرف و بتستخدم في الفنادق و الشركات
و بتستخدم برده لعزل الصوت بتفرد الواح رولات صوف صخري بين لوح الجبس و بين الحائط او عزل حراري و بيتحط العز ده في القواطيع زي السندويتش كده
اسعار الجسبيوم بورد من الصنايعيه
المتر الطولي بيبقي نفس السعر المسطح و احيانا الطولي بيبقي ارخص ٥ ج او ١٠ ج
بتتراوح من ٨٠ ج ل ١٢٠ ج ده شامل كل الخامات
و لو مصنعيات بس و منصحكش بيها عشان هتهدر كتير
سعر المصنعيات للمتر من ٣٥ ج ل ٥٠ ج
2 التعليقات:
افضل مايقدم من سفلتة الطرق ومن جميع مقاولات عامه يوجد لدينا فىشركه اسفلت الذى تناشد بها جميع عملائنا من حفظ جميع المبانى التى تناسب امانك وعدم تعرضها لاى خطا نظرا لوجدود اهميه دقه البناء والترميم
معنا للتفاصيلل ادخل الان http://www.asphaltksa.com/
ممكن اعرف الحبس التركى اقدر اعرفو ازاى
إرسال تعليق